بطل دلع بقلم مصطفى سبتة حبة كمان خليك جدع يا اللى انت واخد ع الوجع ولا يقول انك يا واد غاوى جلع حبة كمان هانت خلاص حبة كمان واوعاك تخاف ووعاك تلململ الخلقات خليك جدع اطلع وقول انا مش موافق او قول كمان انا لسه رافض ووعاك تخاف م الموت ياواد لو موت قالوا كان جدع حبة كمان من قهردام او ارتفاع فى سعر السولار حبة كمان هانت يا واد هيقتلوك فى سجونهم اوعاك تخاف هنحطوا صورتك ع الحيطان وفى الجوامع وع البيبان ونقول الواد شهيد والله كان راجل جدع وهيظهر واحد بلحية قلة مواس محلقش لحيتة ويقولك الجدع كان فى الجناح السرى كان شاب ورع ووحدة تطلع تقول الله يرحم الشهدا و يرحم الشاب الجد ع وتطلع الحاجة تقول دا واد ومدفوعله اصلى رئيسنا دا واحد جدع وتبقى اخرتك الله يحرقة مطرح ما راح واخد فلوس لاجلن يخلى الناس تعمل مظاهرات ويقولوا رئيسنا ينقلع وفى الاصل رئيسا راجل جدع انسان ورع والشاب اللى مات مدسوس وكان لازم ينقلع ويا اللى انت واخد على الوجع اهدا خلاص بطل ياقلبي دلع