➡️ انا معجون السنين .. أنا نبض من قلب الحنين ودمعه محتاره ف كل عين أنا روح طالعه من وسط الجروح .. غربها وتوها القدر أنا سَفر .. وفين ما أروح هايمه روحى الكون بحاله فوق كتافى بكل همه وبكل نبضة حب دايبه ف دمه أنا كلمه حروفها صاحيه .. كلمه دافيه .. كلمه قاسيه بس باقيه ف الجراح واللى راح وف الهيام والأمان بالأمل * أنا بركان الزمان .. بين ضلوعى قلب تانى قلبى غير كل القلوب .. قلبى ف الحب رافض أى زيف قلبى دقاته نزيف * أنا أيد قايده الشموع وخطوتى بدون رجوع * أنا أنسان عايش ف الدنيا العدم * لابس الفرح .. لابس الكفن شارب منقوع الكلام * وبدلقه فوق الورق .؛ صلاح الدين