ما زيها زي غيرها بقلم مصطفى سبتة ما زيها زى غيرها إنساها ليه تفتكرها واهى فتره وتعدى هتقول ناكر لخيرها وما حبش حد غيرها وتعيش خيال وردى ودا أصلا مستحيل أعشق واسهر واميل كله ياقلبي واحد عندى اناياروحي عاشق للحريه وبطير بين الأغصان أقطف أزهار بإيديا واتهنى واعيش فرحان ونجوم الليل حواليا تسهر طول ما انا سهران ودا أصلا مستحيل أعشق واسهر واميل كله ياقلبي واحد عندى مغروره وصحيح مغروره قال فاكره عشقت خلاص وهتلعب بيا الكوره والأخر اكون ميس باص معلش لكن معزوره فاكرانى منبت إخلاص ودا أصلا مستحيل أعشق واسهر واميل كله ياقلبي واحد عندى