أقفل باب قلبك بقلم مصطفى سبتة اقفل باب قلبك بالترباس احكي جروحك بس لروحك عيط فيك ماتقولش لحد اشرب دمعك جوا الكاس علشان لما الويل يمتد تظهر صامد جامد قد كل الدنيا بكل حروبها كل كلام يتقال ف الضهر مهر الدنيا دا تمنه قليل حد يعايرك اكبر قهر اقفل بابك بالترباس وارب جزء فى شيش شباك خلي فى بالك اقرب ناس وقت ما تضعف مش وياك واما تنام افرد اوجاعك عد عددهم حصل كام ايه اسبابهم او مين باعك بعد ما اثبت انه تمام وانه هيفضل مخلص جدا وانه معاك لسه لقدام اقفل بابك بالترباس علشان برد القرب شديد لما يعشش فيك دا لا يمكن بعد البعد هتبقى سعيد عامل كل الخلق كأنك حد غريب مش نفس اللون حد اختار يفضل وحداني مهما حصل او ايه هيكون خارج برا الحسبه لكدبه صارت موضه فى قلب الكون اقفل بابك بالترباس ضم فى نفسك لو محتاج حضن بيلمس فى الاحساس كمل فيك الناقص كله مهما هويت حبيت بضمير لازم قلبك يحصد ذله كل الشر بيظهر خير كل الخير بيجر فى شره حتى الحلم فى وقت النوم قل باصله معاك واتحول زي كابوس حالف لا يطول اقفل بابك بالترباس لم همومك وامسح ذكرى سابت قلب وحيد وانداس من اللي حلف هايكونلك بكره امشي لوحدك وامسك ايديك علشان غيرك مش هيدوم لازم ييجي يضمك عيدك بعد سنين عدت من الصوم اقفل بابك بالترباس علشان غدر اللمه فظيع كانوا احبابك وانت وبقيت عنوان عمرك بيك بيضيع كان على النيه وصادق دايما هما الخبث فيهم كان ساري واحد عاش لجل يطمنهم واما بايدهم مات كان مين حس بموته او كان داري اقفل بابك بالترباس لو لساك بتحاول انك تاني تعيش بعد انت بقيت كل سنينك هربت منك روحك باشت دمع انين اوعاك تاني تقول ياحنين دين الذل دا العن دين وانت المؤمن مذنب فيه رغم ايمانك بالاشواق لازم انك تكفر بيه اقفل بابك بالترباس والمفتاح منك خبيه