ياروحي أكيدنايمه بقلم مصطفى سبتة أنا وانتي في ظلام الليل وانتي أكيد نايمه وأناصاحي عشقت الحب ياوحشاني وواخده الكون ف أحضانك وسايباني كما العاده باضمّ الشوق ف أحضاني واطارد حلم مش حاسس بحرماني فيهرب تاني بزياده وينساني ياروح قلبي أنام مشنوق بأوهامي وأصحى لقهوتي الساده وضي القمر على عيونك على الشمس اللي واخداني لآخر الشوف ورامياني على جزيره ساكنها الخوف بتحرق مركبي وترحل وتنساني وسحرالحب على عيونك على مرايتي باشوف فيها غرامك بيا وجنونك على بحرين من الرقّه باعوم فيهم بقالي زمان ومش فارقه أتوه ياروحي جواكي أو أوصل لشط أمان ونبض قلبي على قلبك على الوطن اللي سايع الكون وضايق بس قدامي ياقلبك وانتي شايفاني ماددلك إيد بتهديلك سؤال مدبوح و ليه حارماها من ردّك مادد لك شوق كيان مهدود من الوقفه على بابك ومن نار الجنون بعدك مادد لك عمر متفصل على قدك ومين قدك سوى شوقي وآلامي ياسايعه الكون بأحضانك وضايقه بس قدامي تدوب الروح على صوتك على الجنّه وفرحتها ورقّة أُمّ بتغني لطفلتها وحزن كمانجه مشتاقه لغنوتها وتنهيدة غريب تايه عن القلب اللي بيحبُّه وتسبيحة ملاك ساجد أمام ربُّه يهيم القلب على صوتك على طعم الحنين دايب بينطق حتى ف سكوتك عشقت الحب على إيدك وهي بتبكي بين إيدي وتطرح نار على خدودي اغارو مني على رعشة صوابع مخلوقين م الحب وحافظين الطريق للقلب ولمستهم على صدري بطعم السحر بطعم الورد بينادي نسيم الفجر جمال العشق على إيدك حاسسها لسه ماسكاني و بتطبطب على شوقي وأحزاني لآخر العمر عايش أنا على الضحكه اللي ماسكه الروح وواخداها في الف سكه بدون عنوان بلا رجعه موسيقا طالعه من روحك بأفراحك وبجروحك وواصله للسما السابعه تمدّ الضلّه فوق روحي وتغسل بالندى جروحي وتحيي القلب من تاني ياروحي ياوحشاني جمال الحب إزيّك ومين زيّك مفيش زيّك يامخلوقه بطعم النور وانا مخلوق بطعم الحزن بيصبغ روحي وايامي ياسايعه الكون بأحضانك وضايقه بس قدامي